Rev 12 | YomNWM | STEP | Buna dimbu kinneni kimonika mu diyilu : nketo wumosi wuvuata thangu ; ngondi yiba ku tsi bitambi biandi. Va ntuꞌandi vaba phu kiba kumi ayi zimbuetete zizole.

Revelation of John 12

TSAMBUADI DI BIDIMBU

Dimbu ki nketo wuba mu buemba

1 Buna dimbu kinneni kimonika mu diyilu : nketo wumosi wuvuata thangu ; ngondi yiba ku tsi bitambi biandi. Va ntuꞌandi vaba phu kiba kumi ayi zimbuetete zizole. 2 Mu buemba kaba. Muna weka nduka buta ayi wuba yamikina mu diambu di mianga mi butila.

3 Ayi dimbu kinkaka kimonika mu diyilu ; tala dalago ^{▼▼Minsekudi minkaka miyolukila dalaka va buangu ki dalago.} kimosi kinneni kimbuaki, kiba ayi tsambudi di mintu ; dikumi di ziphoka. Phu ki kitinu kiba mu kadika ntu. 4 Nkilꞌandi wuvitumuna ndambu yimosi mu zindambu zitatu zi zimbuetete zi diyilu ayi wuziloza va ntoto. Dalago kitelama va ntualanketo wuba nduka mu buta muingi niandi buta kabaka bu dila muanꞌandi. 5 Nketo beni wubuta muana wu bakala wufueti yadila makanda moso mu nkawa wu sengo. Buna muanꞌandi wutombolo va ndambu Nzambi ayi va ndambu kundukiandi ki kipfumu. 6 Nketo wutinina ku dikanga, kuna, Nzambi kankubikila buangu muingikadikulu kuna mu tezo ki mili yimosi ayi zikhama zizole ayi makumasambanu ma bilumbu.

7 Buna khindu yibua mu diyilu : Misiela ayi zimbasi ziandi zinuanisadalago. Dalago kinuana va kimosi ayi zimbasi ziandi. 8 Vayi Dalago kisia luta zingolo ko ; diawu buangu kiawu kisia buela monika ko mu diyilu. 9 Dalago kinneni voti nioka yikhulu yilozolo ku ntoto, kibeti tedila diabulu voti satana ; niandi weti vukumuna ntoto wumvimba widi batu. Wulozolo va ntoto va kimosi ayi zimbasi ziandi.

10 Buna ndiwa mbembo yinneni mu diyilu, yituba :

Buabu phulusu, lulendo
kipfumu ki Nzambi eto,
lulendo lu Klisto andi bizidi
bila mfundi wu bakhomba zieto ;
wubedi kubafundanga builu ayi muini
va ntuala Nzambi eto wulozolo.
11 Bawu bannungini mu diambu
di menga ma Muana dimemi, bannungini
mu diambu di mambu ma kimbangi kiawu ;
ayi basia zola ko luzingu luawu
nate mu lufua.
12 Diawu diyilu ayi beno lumvuandanga muawu
bika lumona khini.
Vayi mabienga kuidi ntoto ayi kuidi mbu
bila satana wukulukidi kuidi beno ;
nganzi yinneni yidi yandi
bu kazebi ti thangu yi fioti kaka yisiedi yandi.
13 Dalago bu kamona ti wulozolo ku ntoto, buna wulandakana nketo wowo wubuta muana wu bakala. 14 Bavana mavavi muadi ma mbemba kuidi nketo muingi kabaka bu dumukina ku dikanga, ku buangu kiandi ku kafueti bela thama ayi nioka. Kuna kafueti dikulu mu thangu yimosi, mu zithangu zizole, mu ndambu yi thangu. 15 Ayi nioka yifulula nlangu mu munuꞌandi ku manima ma nketo. Nlangubeni wuba banga nlangu wunneni muingi kalalumuka mu nzadi. 16 Vayi ntoto wuyiza sadisa nketo. Ntoto wuzibula munuꞌandi ayi wumina nzadi yifulula dalago mu munu andi. 17 Buna dalago kifuemina nketo ayi kiyenda nuanisa bana bobo bankaka ba nketo, bobo bankebanga zithumunu zi Nzambi ayi kimbangi ki Yesu. 18 Buna dalago kitelama va nzielo yi mbu.